Simmi og Jói

Sigmar Vilhjálmsson og Jóhannes Ásbjörnsson, eða Simmi og Jói eins og þeir eru kallaðir, eru kynnar Wipeout Ísland og hafa það vandasama verk lýsa gangi mála í þrautabrautinni. Félagarnir skipuðu sér í hóp vinsælustu sjónvarpsmanna landsins er þeir fóru á kostum sem kynnar Idol stjörnuleitar. Á engan er hallað þótt sagt sé að Simmi og Jói hafi ósjaldan stolið senunni í Idol Stjörnuleit, en tvíeykið var sem órjúfanlegur hluti af Idolinu. Simmi og Jói byrjuðu í útvarpi og slógu svo rækilega í gegn þegar þeir birtust á skjánum sem fyrstu stjórnendur spjallþáttarins galsafulla 70 mínútur. Þeir hafa komið víða fram í gegnum árin og stjórna nú m.a. vinsælum útvarpsþætti á Bylgjunni á laugardagsmorgnum.